IZINKAMPANI EZIZIMELE

Sihlaziya ukusebenza kwemigomo elawula ngesandulela ngculazi kanye nengculazi

Oshicelelweni lwethu lweShare lwangoNovember 2004, omele iDurban Chamber Foundation uMnumzane Amar Sooklal, wabeka ezinye zezinto ezenza umgomo olawula ngengculazi nesandulela ngculazi emsebenzini ube yimpumelelo. Ekuqaleni ohleni lakhe kwakukhona isidingo sokuba;

? Izinhlelo zasemsebenzini ziqalwe abaphethe enkampanini;
? Kube nezithangami lapho abasebenzi, kuwo wonke amazinga, behlanganyela ngokulinganayo nangokuvulelekile ekuhleleni nasekusebenziseni izinhlelo eziphathelene nengculazi nesandulela ngculazi;
? Ukwehlisa amanani nokuphakamisa izinga loqeqesho olwethulwa abasebenza bezimele, ukuze nosomabhizinisi abancane baluthole, kanye;
? Nokwakhiwa kobudlelwane obusebenzayo ezindabeni zesandulela ngculazi.

Wathi lokhu kozogqugquzela osomabhizinisi abancane ukuthi bakhe izinhlelo zengculazi, njengoba ingqinambi enkulu kosomabhizinisi abancane kuwukungabinawo amakhono nezinsiza zokusebenzisa izinhlelo ezinjalo.

I-HIVAN ibe isinquma ukuzihlolela ngokwayo ukuthi lezizeluleko ziyasebenza yini uma sekwenziwa izinto kwezinye izinkampani zaseNingizimu Afrika. Lelithuba lazilethe lona lapho omunye wabakwa HIVAN ehambela umhlangano obumayelana nokuthuthuka nokusebenza kwemigomo elawula ngengculazi emsebenzini. Izibonelo zethulwa yiDe Beers Consolidated Mines, iRoche Products (Pty) Ltd, iRand Water kanye neEskom. Isigungu esihlanganyele sengculazi sethula kafushane ngokuthi ibukeka kanjani ingculazi nesandulela ngculazi emazingeni omphakathi.

Nakuba ukwakhiwa kemigomo yokulawula isandulela ngculazi nengculazi emsebenzini kuyinto esematheni kulomkhakha, kubalulekile ukuthi kucace ukuthi sichaza ukuthini uma sikhuluma ?ngomgomo? nokuthi iziphi izinto ezibalulekile kulomgomo. Okukuqala, kunokwahluka okubalulekile phakathi komgomo nomthetho. Imigomo noma imihlahlandlela yokuziphatha kungumoya womthetho (kubalula uRajesh Latchman, wesigungu esihlanganyele sengculazi). Ayiyaleli, kodwa ihlanganise ukuzibophezela kwenhlangano nabasebenzi bayo ukuziphatha ngendlela ethile. Imingomo iba umthetho kuphela uma izinkantolo ziyisebebnzisa njengesisekelo sokuthatha izinqumo. Okwesibili, imigomo ingaba mfishane ihlahle indlela ethile yokuziphatha, noma ingaba yinde, ibe nemigomo, okulindelekile, izinhlelo kanye nezikhathi zokwethulwa noma zokusebenziswa komgomo.

Okufundwe ezinkampanini: Ukungabi nendawo kwenza kube nzima ukuxoxa izindaba ezethulwa yizo zonke izinkampani. Ngenxa yalokhu-ke sicaphune izibonelo ezimbili okungu De Beers (izimayini) kanye ne Roche (abezemithi).

Ucwaningo lwakamuva olwenziwa yiSABCOHA (South African Business Coalition on HIV/AIDS) luthole ukuthi izifo eziphathelene nengculazi kanye nokufa kubeka umkhiqizo kanye nenzuzo yomkhakha wezimayini engcupheni, ngaphezu kuka 60% wezimayini ziveze ukuthi inzuzo yehlile. UBrad Mears, ophethe iSABCOHA wathi phakathi kwemikhakha ebicwaningwa, imikhakha yezimaynini neyomkhiqizo yiyona ethinkeke kakhulu (UN Integrated Regional Information Network, 26 Nov 2004, www.allafrica.com). Kuyakhuthaza-ke ukuzwa kuthi ihlelelwe kanjani ingculazi kuwo wonke amazinga enkampanini yakwa De Beers.

Mayelana neDe Beers Consolidated Mines

IDe Beers igxile kakhulu eNingizimu Afrika, inezimayini eNingizimu Afrika, eBotswana kanye nase Namibia. ENingizimu Afrika kunabasebenzi abawu 10 000 kanti izinga lokutheleleka lingu 10%. Ingculazi isibalulwe njengenye yezinto ezinhlanu ezibeka inkampani engcupheni ngakhokhe isididiyelwe ezinhlelweni zansuku zonke. UTracey Peterson ophethe ezengculazi wabeka izinto ezinhlanu ezibalulekile ohlelweni lweDe Beers (1) ukusindisa izimpilo (2) ukuphila nesandulela ngculazi nengculazi (3) ukwehlisa umthelela kwezomnotho kaDe Beers (4) ukuxhumana namasu abheke imayini ngayinye nomphakathi (5) ukubambisana nabanye abathintekile.
Ukufundisana kwabangontanga kube yisisekelo sohlelo lwabo lokusindisa izimpilo. Loluhlelo seludlule ngale kokufundisa nokuqwashisa, luhlanganisa imayini, bonke abasebenza nezimayini, kanye nomphakathi osondele. Ukuba ngofundisa ontanga kufuna ube nokuzinikela ngokuqinisile kubasebenzi. Uhlelo lokufundisa abafundisa ontanga lufakwe njengenye yezinto ezilindekile ngokomsebenzi kulowo oqeqeshiwe. Balindeleke ukuthi basebenze kakhulu nohlelo lwengculazi ukuze bakhe izihloko okuxoxwa ngazo nyanga zonke, izincwadi kanye nezinhlelo ezisondelene nomphakathi wasezimayini, kanti bethula izinkulumo njalo kontanga babo emihlanganweni yama-shift. Laba bafundisi banikwa izinto zokubakhuthaza, kunokubanika imali, ngalokhu abakwenzayo, kanti bayephulelwa nesikhathi sokusebenza phakathi nama-shift ukuze bakwazi ukwenza lokhu.

UDe Beers unohlelo lokuphila kahle lwabo bonke abasebenzi olufaka uhlelo lokwelapha oluphelele (olwenziwa uAid for AIDS) kanye nokunakekelwa kwesifo sofuba emsebenzini. Kusukela ngo August 2002, ukwelapha kwanikezwa nabanye abangebona abasebenzi ?ophathina babo? lokhu okunganikwa ngendlela ehlelekile. Amanani okwenza lokhu abhekene noDe Beers. Kanti futhi baqeqesha abaphathi ukuze balwisane nokucwasana emsebenzini. Ukuhlola nokulandeleka kohlelo kuyinto eqhubekayo kwaDe Beers ukuze baqinisekise ukuthi benza konke ukwehlisa izinga lomthelela wengculazi enkampanini. Lokhu kufaka ukubuyekezwa kwezindlela zokwenza izinto, zokusebenza, imigomo, ukuhlolwa komthelela wamanini, ukucwaninga ngamazinga okutheleleka, ulwazi, izindlela zokubona izinto nezokwenza (KAP-Knowledge, Attitudes, Practices) nokusebenza kwama-score card.

Mayelana neRoche Products (Pty) Ltd

Ugqozi lokwakha umgomo olawula ngesandulela ngculazi nengculazi enkampanini yemithi iRoche Pharmaceuticals lwavela kophethe owahambela ingqungquthela yengculazi yomhlaba wonke ngonyaka ka 2000. iRoche yayihlose ukufaka isandulela ngculazi njengenye yezinto ezosebenza ngazo ukuze uhlelo lwesandulela ngculazi lube yimpumelelo. Ukuze abasebenzi babambe iqhaza ekwakhiweni kwalomgomo, kwakhethwa ithimba elalizosebenza kubasebenzi abawu 500. Ubudlelwane neGTZ kwaletha uqeqesho nosizo ekwakhiweni komgomo nasekusebenzeni kwawo. Lokhu kwenziwa ngoba kuthenjwa ukuthi ithimba laseRoche lalizokwazi ukusebenza ngaphezu kweminyaka emithathu lapho kuphela khona ubudlelwane neGTZ. Ithimba lashicilela ummgomo phakathi kukaJanuary noSeptember 2002, kanti futhi lalidinga ukuhlolisisa zonke izinto ngaphakathi ukuqinisekisa ukuthi umgomo uyahlangabezana nezidingo zeRoche njengenkampani. Umgomo owagcina wakhiwe wawumfishane futhi kulula ukuwufunda. Bonke abasebenzi banikwa amakhophi futhi batshelwa ukuthi bangalutholaphi usizo enkampanini nokuthi lutholakala kanjani. Baqinisekiswa ngokuthi izindaba ziyigcinwa ziyimfihlo. Isikhulumi sakwaRoche uFaith Masilo wathi abasebenzi bafunda ukubhekana nokulwa nokwesaba, ngakhokhe bakwazi ukusekela inkampani kulomkhankaso.

Ukhiye wokuphumelela komgomo nokusebenza kwawo kwaba ukuxoxisana kahle ngawo kwaRoche. Njengesibonelo, abaphathi bayazi ukuthi ibaphi abasebenzi babo abayingxenye yethimba bathole namaminithi emihlangano ukuze bahlelele ukwanda komsebenzi ophathwe ilaba basebenzi. Lokhu kuvimbela ukukhathazeka okungaba khona uma abasebenzi bengekho ezindaweni zabo zokusebenza.

IRoche iyawuthemba umgomo nokusebenza kwawo enkampanini. Okuyimpumelelo enkulu ucwaningo lokuhlola amazinga okutheleleka okwenziwa ngoMarch 2003 lapho kwakunabasebenzi ababalelwa ku99%. Izinga laba ngu8%. Umkhankaso wokuhlola kwegciwane ngokuzikhethela (VCT) walandela ngoSeptember 2003, lapho kwaba ngu31% owabamba iqhaza. Iklinikhi lasenkampanini liyaqhubeka ukuletha iVCT nsukuzonke. IAid for AIDS (AFA) iqashwe ukuba ilethe usizo kulabo basebenzi abanesandulela ngculazi. Njengoba loluhlelo lungahlangene nomnyango wezabasebenzi eRoche, ukugcinwa kwezindaba zabasebenzi ziyimfihlo, kuqinisekile, kanti abasebenzi bangalusebenzisa loluhlelo ngokungasabi. Okwamanje lolusizo alunikwa amalunga omndeni.

Maduzane nje iRoche izobe isibheke kulokhu (1) ukuqeqesha abaphathi ukuba ukuxoxisana nabasebenzi ngesandulela ngculazi kanti futhi (2) ukusiza abasebenzi bakwazi ukubhekana nemiphumela yeVCT. (3) ukufakwa kwezinye izifo ezinzima ohlelwei, (4) ukwakha uhlelo lokuhlola nokulandelela umsebenzi wonke.

IAid for AIDS iletha abasebenza ngesandulela ngculazi nengculazi abaqeqeshekile, odokotela, kanye nodokotela basezimayini kanti iyabafuna odokotela lapho bengekho khona. Izinkampani eziningi zikhetha ukusebenzisa iAid for AIDS ukusekela uhlelo lokwelapha abasebenzi oluphelele. IAid for AIDS isebenza ngokubambisana noma-medical aids ezinkampani, kodwa njengoba ihukene nenkampani ukugcina izinto ziyimfihlo kuqinisekisiwe. IAid for AIDS inikeza izinkampani imigomo kodwa ayiyiniki nkampani imininingwane yabasebenzi. Thinta u Stephen Laverack, ophethe ezokufundisa nokuqwashisa, Aid for AIDS kulenombolo: (021) 514 1700 I-fax: (21) 514 1771, e-mail [email protected])

?

<