Ithemba nosizo lokwelashwa
Imishanguzo yeARV nokunakekelwa kwabagulela emakhaya eBergville.

Uhlelo lukazwelonke loMnyango wezeMpilo lokukhipha imishanguzo yeSandulelangculazi neNgculazi lusungulwe ngoNovemba 2003 kwathi ukubhalisela ukuthola lemishanguzo mahhala kwaqala ngoJuly 2004. Kodwa kuze kwaba yikota yokuqala kulonyaka iningi labantu emadolobheni amakhulu namancane lapha kwaZulu-Natal lingakalutholi loluhlobo lokwelashwa.

Esifundeni saOthukela okungesinye sezifunda zasemaphandleni ezikhahlamezeke kakhulu, abasebenzi ezibhedlela nasemitholampilo, amavolontiya anakekela abagulela emakhaya, iziguli kanye nemindeni yazo babhekene nezingqinamba eziningi mayelana nokulethwa kwalemishanguzo nokunakekelwa kwabantu emiphakathini yabo.

Izinhlaka ezikhona njengamanje ziyehluleka ukuhlangabezana nezidingo zokwelashwa nokunakekelwa kwa gulela emakhaya lokhu kuholela ekuthini kube nokubambezeleka nokudangala okugcina sekulethe usizi olukhulu emphakathini. Nangaphezu kwmabanga amade, ukuswela imali yokugibela, ubuthakathaka bomzimba, abantu abaningi basaziveza ukuze bahlolelwe igciwane leSandulelangculazi nokuthi kuqinisekiswe ngesibalo samasosha egazi emzimbeni yabo. Kokunye kuba nesidingo sokuthumela amagazi emadolobheni amakhulu ukuze ayohlolwa khona. Izikhungo zempilo ezimbalwa esezivunyelwe ukuhlolela igciwane nokukhipha imishanguzo, zisabhekene nenkinga yokungabi khona kwemishanguzo eyanele nedingwa yiziguli.

Indima yamavolontiya abheka abagulela emakhaya ibaluleke kakhulu ekuphumeleliseni loluhlelo lokwelashwa ngoba yibo abakwazi ukuhlwayafuthi banakekele labo abaguliswa yizifo ezihlobene neNgculazi ngokunjalo beluleka nemindeni nomakhelwane nokuningi okumayelana nokutheleleka ngeSandulelangculazi, nokutholakala kosizo lwezimali, ngezindlelazokunakekela emakhaya nagezidingo zezingane eziyizintandane.
Amavolontiya aseqeqeshwe ngokugcwele aqinisa imizamo yabasebenzi basemitholampilo nonompilo ngokulekelela iziguli ekuthatheni imithi njalo nangendlela efanele futhi laba besifazane bafundisa imindeni yabagulayo ukutshala izivande ukuze kutholakele ukudla okunomsoco futhi okungaba yindlela yokuziphilisa.

?Abantu abaningi abanegciwane leSandulelangculazi abahlala emaphandleni bayazizwa uma sebegula kakhulu.? Kusho uPhumzile Ndlovu ongumdidiyeli wohlelo lokunakekela emakhaya lweHIVAN oThukela Home-Based Care Intervention eBergville, ??kodwa ngezizathu ezithile bazithola sebegulela ukufa ngaphambi kokuba bayocela usizo ezindaweni ezahlukene. Iqembu labanakekela emakhaya abangu 70 bayazama ukulwa nesigcwagcwa nokuphikwa kweNgculazi okuyikho okuvimbela abagulayo ukuthi bacele usizo nathi senza konke okusemandleni ukubasiza nokubayisa kodokotela ngesikhathi ukuze kusindiswe izimpilo zabo.?

Okudabukisayo wukuthi abaningi abagulayo bayafa bengalutholanga usizo emva kokuhlala izinyanga ngezinyanga ngenxa yokwesaba, benomzwangedwa nokukhandleka emzimbeni. NgoFebhruwari omunye wabanakekeli baseBergville/Okhahlamba waphelezela indodakazi kamakhelwane eyayisigula kakhulu iya esibhedlela saseChurch of Scotland kodwa nokho yashonela endleleni emva kwamahora amane besemgwaqweni obhenke eGreytown.
Isihe sabanakekeli asigcini lapho kodwa bayaqhubeka basimamise abashonelwe futhi babasize noma sebenza amalungiselelo omngcwabo; lokhu kuzinikela kwabo kubuye kubakhandle kwabona emphefumulweni. Ukukhombisa ukubabonga ngokuzinikela nangesineke sabo uPhumzile wahlela uSuku lokuThulisa abanakekeli ehholo iBergville Farmer?s Hall ngasekuqaleni kukaMashi kulonyaka 2005.

?Sasifuna ukugubha umsebenzi oncomekayo walamakhosikazi ezinekele ngokwethembeka ekunakekeleni abantu abagulayo emphakathini ebe engabheke nkokhelo ngalokhofuthi benikeza ithemba lempilo engcono kubo bonke abathintana nabo. Kuchaza uPhumzile. ? Isonto elise Australia lanikela ngoR27 000 ukuze kwenziwe amaphasela okudla, kulingiselelwe umcimbi, futhi kukokhelwe nathekisi ayethutha amavolontiya ukuza kulomcimbi eqhamuka kusosonke lesifunda bezokwabelana ngakho konke abahlangabezana nakho emsebenzini wabo kanye futhi nokuphefumula ngalokho okusezinhliziyweni zabo.?
Ngokusho kukaPhumzile lolsuku alubanga ngo?luthulile? ngoba amakhosikazi ayecula ekhuleka kwathi iqembu lasesibhedlela saseTugela Ferry eMsinga lenza umdlalo weshashalazi. ElaseMpilonhle eMnambithi lasho izinkondlo. Omamabomthandazo bezindawo ezakhelelene neWinterton, neBergville nePietermaritzburg, neDundee nabo babekhona. Ukwabelana ngezindaba kwaba yindlela yabo yokuzikuzethula imithwalo ababekade beyigcine ngaphakathi izinyanga ngezinyanga.

Ukusondelana kukaPhumzile nomphakathi ngokomsebenzi nangokwenhlalo sekwenze waziqonda izidingo zabonamandla abanawo. Ukusebenzisana nabo sekumkhulisile yena qobo kanti futhi nangokomsebenzi.
Ukufunda kwakhe ngezindlela abantu abazisebenzisayo ukubhekana nokufa kanye nokuphila ngenxa yeSandulelangculazi neNgculazi ezindaweni zasemaphandleni sekwenze waqokwa njengomcwaningi wezifundo zeHIVAN Ethnographic. NgoDisemba 2003 wamukeliswa umklomelo weLovelife Young South African Achiever Award kwathi ngoMashi 2005 wakhethelwa umcintiswano weShoprite Checkers Woman of the Year emkhakheni wezeNhlalakahle.

Ukubalulwa ngaloluhlobo kukhombisa impumelelo yena nabanakekeli asebenzisana nabo asebebenayo kuleminyaka emihlanu edlule. Lokhu kuhlanganisa nekusungulwa kwenhlangano ezimele engaxhasiwe nguHulumeni, iqembu likaHulumeni wasekhayaiAIDS Action ezizihlanganakanye emva kwezinyanga ezimbili, neqembu labaFelokazi abanegciwane leNgculazi, isikhungo sentsha, inkulisa yendawo yakubo, ukwaba amathani angu38 ommbila owawunikelwe abalimi bendawo ukupha abantulayo, kanye nokunikeza inkulumo ngenkathi kuneMbizo ye KZN behanjelwe nguNdunankulu wesiFunda uMnu. Sibusiso Ndebele lapho acelela khona amavolontiya imali yokuphila njalo ngenyanga njengoba besebenza ngokuzinikela.

?Sesethule uhlelo likazwelonke lwemishanguzo (ARV) emphakathini wakithi kwabagulayo abango30 ngokuhlaganyela nobanakekeli noDokotela Moll wasesibhedlela iTugela Ferry eMsinga (COSH)? kusho uPhumzile. ?Isibhedlela iBergville/Okhahlamba Hospital bessingalungiselelwanga ukukhipha imishanguzo kodwa ngobuhlobo esinabo neCOSH eyibanga elingamakhilomitha angu 300 ukusukela endaweni yakithi, abantu abaningi sebeyayithola manje lemishanguzo.?

Ukuthola udumo nokutuswa akuyona into esemqoka kuyena. UPhumzile ekhulumela amakhulu ngamakhulu amaqhawe namaqhawekazi ahaqwe wubhubhane lweSandulelangculazi neNgculazi ezweni lakithi wachaza kanje:
?Nsukuzonke umsebenzi engiwenzayo uyangikhuthaza, ungenza ngiqonde kabanzi ngezizathu nezifundo zalokhu kukhandleka emphakathini. Nghokuya ngilandela ubizo lwami, ngiyaqondisisa ukuthi kusho ukuthini ukuba nobuntu, nokuthi yini efunwa yilobu buntu kimi nalokho engikuthola ngobuntu.?

?

<