Ukuthola usizo lwempilo?

Sonke eNingizimu Afrika siphila negciwane lengculazi kanye negculazi, futhi siyawazi umthelela waleligciwane komakhelwane bethu, emisebenzini, emiphakathini, ezifundeni zethu kanye nasezweni. Abanye bethu bayasazi ukuthi siphila negciwane lengculazi; abanye banabangani, amalunga emindeni, abantu abasebenza nabo, othisha, noma abasebenzi abathintekayo ngegciwane.

Alikho ikhambi lokwelapha igciwane lengculazi. Nokho-ke njengoba umyalezo wabalwela ilungelo lokunikezwa ikhambi lengculazi (TAC) uthi:

• Igciwane lengculazi lingavikeleka.
• Isifo sengculazi singelapheka.

Ngakho-ke ithemba lingaphumelela ngokwenza, kanti futhi ukwanda kwegciwane lengculazi kunganqandeka. Ukuhambisana nengqikithi yonyaka ka ?2004 ? Unyaka Wokwelapha?, iSondela ixhumanisa abafundi bayo nolwazi, abantu kanye nezinhlangano ezingakusiza wean kanye nabathandiweyo bakho ukuze nikwazi ukusimama egciwaneni lengculazi kanye nasengculazini. Kangangoba ikhambi lokwelapha libalulekile, kunezindaba ezimnandi: ukusabalaliswa kwekhambi lokwelapha igciwane lengculazi kanye nesifo sengculazi nguHulumeni kaZwelonke kanye nokunakekelwa kwesifo sengculazi kusemkhankaseni wokuthi kuqale ukusebenza nokuthi injongo yakho ukuba kuqinisekiswe ukuthi izidakamizwa zokudambisa igciwane lengculazi (i-ARV) iyatholakala ezindaweni zokwelapha ezikhona esifundeni ngaphambi kokuphela konyaka.

NgoMay, abaholi bezokukholwa, abacwaningi bezokwelapha kanye namalunga omphakathi eThekwini naseduze neTheku bahlangana baba nomhlangano wokufundisana welanga elilodwa lokwabelana ngolwazi ngesidakamizwa sokudambisa igciwane lengculaziIn kanye nohlelo lokhishwa kwekhambi lokudambisa isifo sengculazi i-ARV KwaZulu-Natali. Njengoba yayenganyelwe izinhlangano ezimbili i-HIVAN kanye neNgqungquthela Yomhlaba Yomhlaba wonke Kwezenkolo Noxolo (WCRP), ukuhlanganyela kwabo kwabe kubhekise kakhulu ekutheni amaqembu ezesonto abasiza kanjani abaphila negciwane lengculazi kanye nengculazi, amaphuzu aqotho ngokuthi ikhambi lokudambisa igciwane lengculazi lisebenza kanjani, nokuthi uhlaka lwezempilo lwendawo lusebenzisana kanjani neziguli ezisemathubeni okuthola ikhambi lokwelashwa.

Ama-FBO amaningi asengene shi emshikashikeni ekusizeni amalunga abo ngokubanikeza izeluleko ngegciwane lengculazi kanye negculazi kanye nokubanikeza ulwazi nokubaqeqeshela ukunakekela iziguli ezigulela emakhaya. Abaholi bezenkolo, izindawo zokusebenzela zezempilo kanye namalunga omphakathi angakha amaqembu ukuze abelane izindaba ezisemqoka ngekhambi lokudambisa igciwane lelngculazi i-ARV nokuthi kuncishiswe isihlava, kube futhi kukhuthazwa abantu ukuthi bangazi ngesimo sabo ngegciwane lengculazi. Ngokusebenzisana bangenza kalula indlela yokuthi bathole imali yomxhaso, ukusiza iziguli ukuthi zidle imithi yazo ngendlela ephephile neyiyo, nokusiza izibhedlela, imitholampilo kanye namavolontiya ngosizo lokusetshenziswa kwe ARV nokuthi kunikezwe umnako othe xaxa kanye nokwelulekwa.

Kuyinto ebucayi kuwona wonke umuntu emphakathini ukuthi babambe iqhaza Kwezoluleka nokuHlola (VCT), bacwije abesifazane kanye nemindeni ngolwazi, kanye nokusiza ezinhlelweni zokuvimbela okuqhubekayo kanye nokuqwashiseka.

Njengamanje izindawo okutholakala kuzo usizo lwe-ARV KwaZulu-Natali yilezi zibhedlela: King Edward VIII kanye ne-Addington Hospitals eThekwini, i-Mahatma Gandhi e-Phoenix, i-Church of Scotland Hospital e-Umzinyathi eNyakatho ne-KZN, i-Stanger Hospital, i-Ngwelezane Hospital Empangeni, i-Benedictine Hospital eNyakatho-Mpumalanga ne-KZN, E G Usher Hospital e-Sisonke, i-Kokstad, kanye ne-Edendale Hospital eMgungundlovu.
Zikhona nezinye eziyishumi nesithupha zisalungiselwa ukuthi nazo zibe sesimweni sokunikeza imithi, uma sezizonke, zingu-32 izibhedlela ezizolungiselela iziguli ngokohla lokuqala lohlelo lokukhishwa kwemithi.

Kunomsebenzi omningi wokulungiselela lezi zikhungo ekutheni zithole ilungelo lokukhipha ikhambi lokundambisa igciwane lengculazi. Umsebenzi okhona udinga ukuba kwengezwe ngamanye amaqembu anodokotela abaqeqeshiwe, abahlengikazi, abaphathelene nezokudla, abeluleki kanye nabanye abasebenzi bezempilo. Yilowo nalowo walabochwepheshe uneqhaza elibalulekile ekuphumeleliseni ukunakekelwa kweziguli ezibhalise kulolu hlelo. Izindawo ezithile ezifana nalpho kuhlolelwa khona, iKhemisi, izindlu zokubonela udokotela kanye nezinye izidingo ezinqala ziyadingeka ngesikhathi sokuhlola, ukuhlolela ikhabi lokwelapha kanye nokuqaphela isimo sempilo yesiguli ngendlela ephephile nokusebenzisa imithi ngendlela ejwayelekile.

Amaphuzu asemqoka ngokusetshenziswa kwekhambi lokwelapha i-ARV yilwa:

• Izidakamizwa i-Anti-retroviral zingena kumasotsha emzimbeni lawo asephendulwe yigciwane lebgculazi ukubaabe ?isizinda sokukhiqiza igciwane lengculazi?, bese zehlisa izinga lokusebenza kwegciwane lengculazi yikhona igciwane lingeke lisabalale kuyo yonke indawo esigulini.
• Ukusiza kwezakhamzimba, ukwelukwa ngendlela yokudla kanye nokwelashwa kwendabuko nakho kuzoba yingxenye ebalulekile nenkulu ohlelweni lokunakekelwa nokwelapha.
• Akusiwo wonke umuntu oonelungelo lokubhalisa ezibhlelweni zezikhungo zangasese ? yilabo kuphela asebefike ?Esigabeni Sesine? (asebesezingeni eliphezulu) nezimpawu zesifo sengculazi ? ekuchazweni kwesifo nalabo abano-CD4 okuyisibalo sokubala amasotsha omzimba angu ? 200 nagaphansi bayobhaliselwa ukuthola imithi.
• Iziguli kumele ziphathe oMazisi bazo baseNingizimu Afrika ? lokhu kuzokwenza lula ukuthi kube lula ukulandela iziguli okungenzeka zihambe zihlala; ukushicilela oMazisi babo abanamagabelo kwinqolobane yolwazi ye-ARV ezokwenza lula ukuthi bathole imithi yokwelashwa namaphilisi abo e-ARV atholakala noma kuyiphi indawo yezempilo ezweni lakithi.
• Kuthathwa Ngokushesha igazi lokuhlolela igciwane lengculazi ? ukuhlolwa kokuqala kuveza imiphumela yokuthi ngakube unalo yini igciwane lengculazi noma awunalo, okwesibili kuqinisekisa imiphumela yokuqala; lokhu kwenziwa ngokuthi kuqhambuswe igazi emnweni bese kuthatha imizuzwana nje. Ukuhlola okubizwa ngokuthi i-ELISA kuyokwenziwa kuphela uma imiphumela yalokhu kuhlolwa okubili kungahambisani, ngokuthi kuhanjiswe ishubhu eligcwele igazi endaweni lapho kuhlolwa khona igazi ukuze licwaningwe kahle, lokho kuthatha okungenani isonto noma ngaphezulu; kunemali ekhokhwayo ngokuhlolwa ngendlela ye-ELISA.
  • Iziguli kumele babe nothando lokwembula isimo ngegciwane lengculazi nokuthi zilandele uhlelo olwenziwe lokuvakasha kathathu noma ngaphezulu ukuze zithole usizo ? uhlelo lubandakanya yileso naleso siguli esithola imithi yokwelashwa nomunye esihambisana naye, umuntu isiguli esimaziyo nesimethembayo, ozokwazi ukumsiza ukuthi athathe amaphilisi ache njalo (nokudla kanye namanzi njengoba kudingeka) , ukugcina izinsuku zabo zokulanda imithi kanye nokunikeza usizo kwezokomoya.
  • Kumele kuthathwe isibalo esiyiso samaphilisi zonke izinsuku, ngesikhathi, impilo yonke yesiguli. Uma ngabe isiguli siyeka imithi yaso noma idlulwa ukudla imithi yaso izinsuku eziningi, amaphilisi ngeke esakwazi ukulwa negciwane lengculazi emzimbeni waso, igciwane ngeke nje lisabalale kuphela kodwa lizokwenza amasotsha omzimba esiguli akhathale, futhi sigule njalo, ngokunjalo futhi ngeke esakwazi ukulelekela kusidakamizwa i-ARV. Ezinyangeni ezyisithupha zokuqala zokwelashwa ngesidakamizwa, amanye ezidakamizwa angaba nomthelela ongemuhle ongenza ukuthi isiguli sigule futhi singazizwa kahle ? yingakho kubalulekile ukuthi yilowo nalowo athole iziyalo eziqhubekayokudokotela wakhe ikunguyena omnikeza imithi ukusiza lowo ukuba ahlale ekhona ohlelweni. Kwabaningi abantu imiphumela engemihle ngemithi iyakwazi ukuti inqandeke nokuthi imithi leyo kwazi ukunqanda igciwane lengculazi emzimbeni.

UKUTHOLA ULWAZI OLUTHE XAXA KANYE NEZINSIZA ZAMAHHALA, THINTANA NALABA ABALANDELAYO:

1. The Treatment Action Campaign (TAC)
   Ihhovisi likaZwelonke: 34 Main Road, Muizenberg, Cape Town 7945
   Ihhovisi laKwaZulu-Natali: Unit A, 3rd Floor, Doone House,
   379 Smith Street, Durban 4001
   Ucingo: 031 304 3673
   Isihlanzandaba: 031 361 7051
2. Isikhungo Sesifunda esilwa nesifo sengculazi sinikeza usizo mahhala ngesifo sengculazi (PAAU), kulenombolo yamahhala ethi:
   = 0800 012 322
3. Red Ribbon Resource Centre: (011) 880-0405 for free booklets on ARVs

<